Սյունիքի հարցով ԱԺ-ում քննարկման շուրջ իշխանությունն ու ընդդիմությունը համաձայնության են եկել

Իշխանությանն ու ընդդիմությանը հաջողվել է համաձայնության գալ՝ Սյունիքում ստեղծված իրավիճակի շուրջ քննարկումներ կազմակերպելու առումով։

Այս մասին ճեպազրույցի ընթացքում ասել է «Հայաստան» խմբակցության պատգամավոր Արծվիկ Մինասյանը։

Նա նշել է, որ իրենք գրություն են ուղարկել ու դրան իշխանությունն ընթացք է տվել։

Մինասյանի խոսքով՝ ԱԾ տնօրենի, ԱԳ նախարարի, գլխավոր դատախազի, ՊԵԿ նախագահի և պատկան այլ մարմինների ղեկավարների մասնակցությամբ քննարկում կկազմակերպվի Խորհրդարանում։

Այն կլինի փակ ձևաչափով։