Թուրքիայի նախագահ Ռեջեփ Թայիփ Էրդողանը հեռախոսազրույց է ունեցել Մեծ Բրիտանիայի վարչապետ Բորիս Ջոնսոնի հետ։ Այս մասին հայտնել է թուրքական «Անադոլու» լրատվական գործակալությունը:
Կողմերը քննարկել են թուրք-բրիտանական համագործակցության առկա վիճակի և հեռանկարների շուրջ՝ խոսելով պաշտպանական արդյունաբերության ոլորտից, տարածաշրջանային գործընթացներից։
Քննարկվել է նաև Ուկրաինայում տեղի ունեցող ռազմական գործողությունների թեման։
Էրդողանն ընդգծել է Ուկրաինայի նավահանգիստներից հացահատիկի անվտանգ արտահանման հարցի պարտադիր կարգավորման անհրաժեշտությունը։