Բրահիմ Դիասը չի մասնակցի Մադրիդի «Ռեալի» և Դորտմունդի «Բորուսիայի» միջև գործարքին։
Մադրիդի «Ռեալը» մտադիր չէ 23-ամյա կիսապաշտպանին ներառել Դորտմունդի «Բորուսիայից» Ջուդ Բելինգհեմին ձեռք բերելու գործարքի շրջանակներում:
Բրահիմ Դիասը պատկանում է մադրիդցիներին, բայց վարձավճարով խաղում է «Միլանում»: Այս մրցաշրջանում նա Ա Սերիայի 30 խաղում դարձել է 5 գոլի և 5 գոլային փոխանցման հեղինակ։
Մադրիդի «Ռեալը» պատրաստվում է ավելի քան 100 միլիոն եվրո գումարած բոնուսներ պաշտոնական առաջարկ անել գերմանական թիմին։
Բելինգհեմի անձնական պայմանագրի մանրամասներն արդեն լիովին համաձայնեցված են։
