Ռեալը նոր տրանսֆերային նպատակ ունի

Մադրիդի «Ռեալը» հետաքրքրություն է ցուցաբերում բրազիլական «Սանթոսի» 20-ամյա հարձակվող Մարկոս ​​Լեոնարդոյի նկատմամբ։ Այս մասին հայտնում է Globo-ն։

Աղբյուրի փոխանցմամբ՝ ակումբների միջև այս խաղացողի հետ կապված բանակցությունները տեղի են ունեցել մի քանի շաբաթ առաջ։

Սակայն հաղորդվում է, որ դեռ հայտնի չէ, թե արդյոք «Սանթոսի» ղեկավարությունը կհամաձայնվի այս տրանսֆերին։

Ընթացիկ՝ 2023 մրցաշրջանում Մարկոս ​​Լեոնարդոն «Սանթոսի» կազմում անցկացրել է 45 հանդիպում բոլոր մրցաշարերում, խփել 21 գոլ և կատարել 4 գոլային փոխանցում։ Ֆուտբոլիստի տրանսֆերային արժեքը, ըստ Transfermarkt-ի, կազմում է 17 միլիոն եվրո։

Ֆուտբոլիստի ծառայություններով հետաքրքրված են նաև անգլիական ակումբները։