Հեռախոսային և ինտերնետ կապի երկարատև անջատումը վատթարացրել է շաբաթ օրը շրջափակված Գազայի հատվածում առանց այն էլ բարդ իրավիճակը, որտեղ վերջին օրերին սովյալների թիվը կտրուկ աճել է, ըստ ՄԱԿ-ի գործակալության, գրում է PA Media-ն։
Ինտերնետի և հեռախոսային գծերն անջատվել են հինգշաբթի երեկոյան և անհասանելի են մնացել մինչև այսօր առավոտյան, ըստ NetBlocks.org ինտերնետ հասանելիության ջատագովության խմբի: Դա խոչընդոտել է Գազայի հատվածում օգնություն տրամադրելու և փրկարարական աշխատանքների իրականացմանը:
«Ինտերնետի խափանումը շարունակվում է, և, մեր տվյալների հիման վրա, սա ամենաերկար նման միջադեպն է ավելի քան երկու ամսվա պատերազմի ընթացքում», – ասել է ՄԱԿ-ի խոսնակ Ալփ Թոքերը:
ՄԱԿ-ի հումանիտար հարցերի դեպարտամենտը հայտնել է, որ Գազայի հետ հաղորդակցությունը «խիստ խափանվել է» հարավում հեռահաղորդակցության գծերի վնասման պատճառով:
Իսրայելի հարձակումը հողին է հավասարեցրել հյուսիսային Գազայի հատվածի մեծ մասը և ստիպել Գազայի 2,3 միլիոն բնակչության 85%-ին լքել իրենց տները:
Տեղահանված մարդիկ արգելափակված են հիմնականում հարավում գտնվող ապաստարաններում՝ աճող հումանիտար ճգնաժամի պայմաններում:
