Աշխարհի ակումբային առաջնության եզրափակիչում «Մանչեսթեր Սիթին» երեկ 4-0 հաշվով հաղթել է «Ֆլումինենսեին»:
Անգլիական ակումբի կազմում 60-րդ րոպեին խաղադաշտ է դուրս եկել կիսապաշտպան Մատեո Կովաչիչը։
29-ամյա խորվաթն առաջին ֆուտբոլիստն է, ով երեք տարբեր ակումբների հետ հաղթել է Աշխարհի ակումբային առաջնությունում։ Նա նախկինում դա արել է Մադրիդի «Ռեալի» (2016, 2017) և «Չելսիի» (2021 թ.) հետ։
Կովաչիչը «Մանչեսթեր Սիթիում» հանդես է գալիս 2023 թվականից։ Այս մրցաշրջանում նա 20 խաղում մեկ գոլ է խփել։
