Հայաստանի արտաքին գործերի նախարար Արարատ Միրզոյանն ու Ադրբեջանի արտաքին գործերի նախարար Ջեյհուն Բայրամովը կհանդիպեն Ալմաթիում։
Տեղեկությունը «Հայկական ժամանակ»-ի հետ զրույցում հայտնեց ՀՀ ԱԳՆ մամուլի քարտուղար Անի Բադալյանը:
«Ինչպես հայտնել էինք, կա Հայաստանի և Ադրբեջանի նախարարների հանդիպման պայմանավորվածություն՝ ղազախական կողմի առաջարկով, հստակեցված է, որ այն կանցնի Ալմաթիում»,- նշեց Բադալյանը։
Հավելենք, որ 2 երկրի ԱԳ նախարարների՝ Ղազախստանում հանդիպման մասին տեղեկությունն ավելի վաղ ԱՄՆ պետքարտուղար Էնթոնի Բլինքենի հետ հեռախոսազրույցի ժամանակ, հայտնել էր նաև Ադրբեջանի նախագահ Իլհամ Ալիևը:
![](https://azat.tv/wp-content/uploads/2022/09/azattvlogoblack.png)