Թուրքիայի արտաքին գործերի նախարար Հաքան Ֆիդանն ԱՄՆ պետքարտուղար Էնթոնի Բլինկենի հետ հեռախոսով քննարկել է ուկրաինական հակամարտությունը և Գազայի հատվածում տիրող իրավիճակը։
Այս մասին հայտնել է Անկարայում դիվանագիտական աղբյուրը։
«Այսօր Թուրքիայի ԱԳ նախարար Հաքան Ֆիդանը հեռախոսազրույց է ունեցել ԱՄՆ պետքարտուղար Էնթոնի Բլինկենի հետ։
Հանդիպման ընթացքում քննարկվել են Գազայի հատվածի վերջին իրադարձությունները և Ուկրաինայում տիրող իրավիճակը։
Ֆիդանը նշել է Գազայի հատվածում մշտական հրադադարի արագ ապահովման կարևորությունը և ընդգծել, որ անհրաժեշտ է վերացնել տարածաշրջան մարդասիրական օգնության առաքման խոչընդոտները։
Նա ասել է, որ Իսրայելի հարձակումը Ռաֆահի վրա անընդունելի է»,- ասել է աղբյուրը։
