Ճապոնիայի իշխանությունները շաբաթ հրամայել են տարհանել տասնյակ հազարավոր մարդկանց երկրաշարժից տուժած Իսիկավա շրջանից, քանի որ «աննախադեպ» անձրեւները հեղեղումներ եւ սողանքներ են առաջացրել։
Մոտ 10 գետեր դուրս են եկել հուներից, տեղեկացրել է հողօգտագործման նախարարության ներկայացուցիչ Մասարու Կոձիման։ Երեք մարդ անհետ կորել է Իսիկավայում, տեղեկացրել է NHK պետական ընկերությունը։ Նրանցից երկուսին քշել է գետը։
Մեկ մարդ անհետ կորել է Վաձիմայում, փրկարարները փորձում են հաստատել եւս մեկ մարդու կորստյան լուրը, AFP-ին տեղեկացրել է տեղի պաշտոնյան։
Շատ շենքեր հեղեղվել են, իսկ սողանքները փակել են որոշ ճանապարհներ, նշվել է Իսիկավայի կառավարության հայտարարությունում։ Վաձիմա, Սուձու քաղաքները, ինչպես նաեւ Նոտոն մոտ 44 700 բնակիչների տարհանում են իրականացնում, տեղեկացրել են պաշտոնյաները։
Ճապոնիայի օդերեւութաբանական գործակալությունը (JMA) տեղեկացրել է, որ նախազգուշացում է հրապարակել Իսիկավայի համար վտանգի բարձր մակարդակի մասին՝ զգուշացնելով «կյանքին սպառնացող իրավիճակի» մասին։
«Աննախադեպ մակարդակի ուժեղ անձրեւ է տեղում», լրագրողներին ասել է օդերեւութաբան Սատոսի Սուգիմոտոն։ Առավոտյան Վաձիմայում գրանցվել է մեկ ժամում ավելի քան 120 միլիմետր տեղում, ինչը ամենաուժեղ անձրեւն է 1929թ. համեմատական տվյալների հայտնվելու պահից։