«Գահերի խաղի» վերջին 8-րդ սեզոնի պրեմիերային մնացել են հաշված օրեր, իսկ համացանցում մեկը մյուսի հետևից հայտնվում են սփոյլերներ, որոնք առաջացնում են սերիալին անհամբեր սպասող հանդիսատեցի դժգոհության առարկա:
Սերիալի երկրպագուներն արդեն երկու տարի սպասում են սերիալին, իսկ HBO-ն չի պատմում սյուժեի մանրամասները: Միայն հայտնի է, որ առաջին սերիայում կտեսնենք Դեյներիսին և նրա բանակին:
Սակայն, YouTube-յան օգտատեր TheRealFrikiDoctor-ն իր ալիքում տեղադրել է հոլովակ, որում մանրամասն պատմում է «Գահերի խաղի» վերջին սեզոնի առաջին սերիայի մասին: Այս հոլովակը HBO-ի խնդրանքով հեռացվել է YouTube-ից: Սա առաջացրել է օգտատերի դժգոհությունը․ նա չի հասկանում՝ ինչու են հեռացրել հոլովակը, եթե այնտեղ չկա ոչ մի կադր, որ պատկանում է հեռուստաալիքին: Չնայած նրան, որ հոլովակը հեռացվել է YouTube-ից, այն հասցրել է տարածվել այլ սոցիալական ցանցերում:
Սա TheRealFrikiDoctor-ի առաջին սփոյլերը չէ. ավելի վաղ նա ևս մեկ հոլովակ էր ներկայացրել, որտեղ պատմել էր «Գահերի խաղի» 6-րդ սեզոնի մանրամասները:
Հիշեցնենք, որ «Գահերի խաղի» վերջին 8-րդ սեզոնի առաջին սերիայի պրեմիերան, որի տևողությունն է 54 րոպե, կկայանա ապրիլի 14-ին:
ԽՈՐՀՈւՐԴ Է ՏՐՎՈւՄ ԿԱՐԴԱԼ
