Էռնեստո Վալվերդեն մեկնաբանել է «Լիվերպուլի» հետ խաղը (3:0).
«Յուրաքանչյուր թիմ փորձում է իր խաղային ռիթմը հաղորդել մյուսին, և երբեմն մրցակիցը գերիշխում է: Այսօր դժվար էր դրան հասնել: Այս խաղում մենք կարողացանք երեք գոլ խփել, ու հույս ունենք մեծացնել առավելությունը պատասխան խաղում:
Գիտենք, թե ինչի է ունակ Մեսսին, բայց չենք դադարում զարմանալ: Այսպիսի կարևոր խաղերում բոլոր ֆուտբոլիստները պետք է դրսևորեն իրենց, ու այսօր թիմային գործողությունները նորից օգնեցին լավ արդյունքի հասնել»,- Վալվերդեի խոսքերն է փոխանցում Marca-ն:
