Հայաստանի Հանրապետության Մրցակցության պաշտպանության հանձնաժողովը (ՄՊՀ) վարույթներ է հարուցել մի շարք ինտերնետ շահումով խաղերի և վիճակախաղերի ոլորտում գործող ընկերությունների նկատմամբ։ Գործողությունը նպատակ ունի բացահայտել անբարեխիղճ մրցակցության և հասարակության մոլորեցման դեպքերը՝ կապված օգտատերերին և ոչ օգտատերերին գովազդային հաղորդագրությունների ուղարկման հետ։
ՄՊՀ-ն հայտնում է, որ GOODWIN, ADJARABET, VBET և TOTOGAMING ընկերությունների անունից գովազդային հաղորդագրություններ ստացող քաղաքացիները, որոնք չեն հանդիսանում տվյալ ընկերությունների օգտատերեր, կարող են դիմել հանձնաժողով։ Գովազդները հաճախ փոխանցվում են տարբեր հարթակներով՝ SMS, Viber, WhatsApp, էլ. փոստ և այլն։
ՄՊՀ-ն կոչ է անում քաղաքացիներին իրենց դիտարկումները և ստացած հաղորդագրությունները ներկայացնել հանձնաժողովին՝ հավելելով, որ տրամադրված տվյալների գաղտնիությունը երաշխավորվում է։
Այս նախաձեռնությունը նպատակ ունի ապահովելու արդար մրցակցային միջավայր և կանխելու անբարեխիղճ շուկայական գործողությունները, որոնք կարող են վնասել հասարակությանը։
ԽՈՐՀՈւՐԴ Է ՏՐՎՈւՄ ԿԱՐԴԱԼ
