Շվեդական ABBA խմբի՝ վերջին 40 տարում ներկայացրած առաջին ալբոմը զբաղեցրել է առաջին տեղը Մեծ Բրիտանիայի հիթ-շքերթում: Այս մասին հայտնել է Official Charts-ը, որը կազմում է երաժշտական վարկանշային աղյուսակները:
Voyage ալբոմի թողարկումից մեկ շաբաթ անց ձայնասկավառակը գնվել է 204 000 անգամ. ալբոմը դարձել է խմբի ներկայացրած ալբոմների շրջանում ամենաարարգ վաճառվողը ոչ միայն 2021 թվականի ընթացքում, այլև վերջին 8 տարում:
Վաճառված օրինակների 200 000-ի շեմն առաջին շաբաթում հաղթահարել են միայն Ադելի «25» ալբոմը 2015 թվականին և Էդ Շիրանի Divide ալբոմը 2017 թվականին: