Պատգամավորների բացակայության պատճառով, արդեն 3-րդ օրն է, որ Ազգային ժողովի նիստերը բնականոն չեն ընթանում: Դրա հետևանքով էլ անհրաժեշտ քվորում չի ապահովվում:
ԱԺ Կանոնակարգ սահմանադրական օրենքի համաձայն՝ քվորում ապահովելու համար անհրաժեշտ է 53 պատգամավորի ներկայություն: Այս պահին նիստերի դահլիճում կա 48 պատգամավոր:
Այս աշխատաոճը շարունակվելու դեպքում վտանգված կլինի 2019 թվականի բյուջեի ընդունումը: Բյուջեի նախագիծն արդեն քննարկվել է եւ նոյեմբերի 21-ին տեղի է ունենալու քվեարկությունը: