Իսպանական «Վալենսիայի» նախագահ Պիտեր Լիմի՝ գլխավոր մարզիչ Մարսելինո Տորալին պաշտոնանկ անելու որոշման դեմ են դուրս եկել ակումբի ֆուտբոլիստները՝ յուրօրինակ բողոք հայտարարելով ակումբին։ Այս մասին հաղորդում է Marca-ն։
Չեմպիոնների Լիգայի 1-ին տուրի՝ «Չելսի»-ի դեմ հանդիպմանը նախորդող մամուլի ասուլիսը բոյկոտվել է ֆուտբոլիստների կողմից։ Իսպանիայի առաջնության 4-րդ տուրի՝ «Բարսելոնա»-ի դեմ խաղից հետո նույնպես ֆուտբոլիստները չեն ցանկացել հանդիպել ԶԼՆ-ի ներկայացուցիչների հետ։
Հիշեցնենք, որ «Չելսի» – «Վալենսիա» հանդիպումը տեղի կունենա այսօր Երևանի ժամանակով ժամը 23․00-ին։