Forbes-ի վարկածով աշխարհի ամենահարուստ մարդկանց վարկանիշում առաջատարը դարձյալ փոխվել է։ Ցուցակի առաջին տողում նորից Amazon-ի սեփականատեր Ջեֆ Բեզոսն է։
Ջեֆ Բեզոսը առաջին հորիզոնական է բարձրացել 115,5 մլրդ դոլար ցուցանիշով։ Նա առաջ է անցել Louis Vuitton Moët Hennessy ի նախագահ Բեռնար Առնոյից ու նրա ընտանիքի անդամներից, որոնց կարողությունը գնահատվում է 112,9 մլրդ դոլար։
56-ամյա ամերիկացուն հաջողվել է վերադարձնել երեք օր առաջ կորցրած դիրքը։ Այն ժամանակ 71-ամյա ֆրանսիացին նրանից առաջ էր 1,4 մլրդ դոլարով։
Վարկանիշի երրորդ տեղում մնացել է Microsoft-ի հիմնադիր Բիլ Գեյթսը՝ 110,4 մլրդ դոլարով։ Նրան հաջորդում է Berkshire Hathaway-ը՝ Ուորեն Բաֆեթը 90,1 մլրդ-ով։ Հնգյակը եզրափակում է Facebook-ի հիմնադիր Մարկ Ցուկերբերգը 81,6 մլրդ դոլարով։
Բեռնար Առնոն ավելի քան 100 մլրդ դոլար ունեցող մարդկանց շարքում հայտնվեց անցած տարվա հունիսին։ Մինչև նա միայն Բեզոսն ու Գեյթսն էին կարողացել նման բանի հասնել։
ԽՈՐՀՈւՐԴ Է ՏՐՎՈւՄ ԿԱՐԴԱԼ
