Tesla-ի և SpaceX-ի գլխավոր տնօրեն Իլոն Մասկը հանդես է եկել հայտարարությամբ:
Նա հայտնել է, որ եկել է ժամանակը կիսել Amazon-ը:
«Դա @JeffBezos-ի խենթությունն է,- գրել է Մասկը՝ նշելով Amazon-ի գլխավոր տնօրենին: Amazon-ը կիսելու ժամանակն է: Մենաշնորհները սխալ են»,-հավելել է Մասկը:
Հյատնենք, որ Մասկը նման հայտարարությամբ է հանդես եկել այն բանից հետո, երբ գրող Ալեքս Բերենսոնն իր Twitter-յան էջին սքրինշոթ էր հրապարակել, որը ցույց էր տալիս, որ իր ապագա գիրքը Covid-19-ի մասին չի համապատասխանում Amazon-ի՝ վաճառքների առաջարկություններին: Բերենսոնը կարանտինի դեմ էր հանդես գալիս և ենթադրել էր, որ լուրջ հիվանդությունների կամ մահվան ռիսկերը շատ ավելի ցածր են, քան հաղորդվում էր: Ավելի ուշ Amazon-ն ասել էր, որ գիրքը սխալմամբ է ջնջվել:
Հավելենք, նաև, որ Մասկն ակտիվ քննադատում էր կառավարությանը կորոնավիրուսի համավարակի ժամանակ: Նա կողմ էր երկիրը բացելուն և հայտարարել էր, որ տանը մնալու հրահանգները ֆաշիստական են:
Այս մասին տեղեկանում ենք Մասկի Twitter-ից:
This is insane @JeffBezos
— Elon Musk (@elonmusk) June 4, 2020