Ինչպես արդեն տեղեկացրել էինք, երեկ Բավրա քաղաքից 13 կմ հյուսիս-արևելք տեղի է ունեցել երկրաշարժ՝ 5,4 մագնիտուդ ուժգնությամբ։
«Սեյսմիկ պաշտպանության տարածքային ծառայություն» ՊՈԱԿ–ի տնօրեն Սոս Մարգարյանն այսօր լրագրողների հետ զրույցում ասաց, որ փետրվարի 13-ին գրանցված երկրաշարժը 1988 թվականի Սպիտակի երկրաշարժից հետո ամենաուժգինն էր։
Նրա խոսքով՝ մագնիտուդը եղել է բարձր։
Մարգարյանը նշեց նաև, որ երեկվա երկրաշարժից հետո 165 հետցնցում է գրանցվել։