Ամերիկացի երգչուհի Մադոննան, ով նախկինում հոսպիտալացվել էր բակտերիալ վարակով, դուրս է գրվել հիվանդանոցից։ Այս մասին հայտնում է CNN-ը։
Հունիսի 28-ին հաղորդվել էր, որ Մադոննային գտել են անգիտակից վիճակում և հոսպիտալացրել։ Երգչուհու մենեջեր Գայ Օզրիի խոսքով՝ նրա մոտ լուրջ բակտերիալ վարակ է սկսվել, ինչի պատճառով արտիստը մի քանի օր անցկացրել է վերակենդանացման բաժանմունքում։
Հոսպիտալացման պատճառով Մադոննան հետաձգել է իր համաշխարհային շրջագայությունը։ Նրա ելույթը նախատեսված էր Վանկուվերում, Նյու Յորքում, Չիկագոյում, Մայամիում, Վաշինգտոնում, Հյուսթոնում, Լոս Անջելեսում, Լաս Վեգասում և այլ քաղաքներում։
