Ամերիկայի Միացյալ Նահանգների պետքարտուղար Էնթոնի Բլինքենը հեռախոսազրույց է ունեցել Ուկրաինայի արտգործնախարար Դմիտրի Կուլեբայի հետ։
Այս մասին տեղեկանում ենք Պետդեպի խոսնակ Նեդ Փրայսի տարածած հայտարարությունից։
Նշվում է, որ Բլինքենը Կուլեբային հայտնել է, որ ԱՄՆ-ն ակտիվորեն աջակցում է ուկրաինացի ժողովրդին՝ անվտանգության, հումանիտար ու տնտեսական ոլորտներում տրամադրվող օգնությամբ։
Պետքարտուղարը ևս մեկ անգամ ընդգծել է, որ Միացյալ Նահանգները հանձնառու է Ուկրաինայի ինքնիշխանության և տարածքային ամբողջականության հարցում։