Ռուսաստանի և Իրանի ղեկավարները հեռախոսազրույց են ունեցել

Ռուսաստանի նախագահ Վլադիմիր Պուտինը հեռախոսազրույց է ունեցել Իրանի նախագահ Մասուդ Փեզեշքիանի հետ, որի ընթացքում քննարկվել են Մերձավոր Արևելքում վերջին զարգացումները և հակամարտության ակտիվ փուլը։ Փեզեշքիանը մանրամասն ներկայացրել է իրավիճակը և շնորհակալություն հայտնել Ռուսաստանի աջակցությանը՝ իր երկրի ինքնիշխանությունն ու անկախությունը պաշտպանելու հարցում։ Պուտինը վերահաստատել է Ռուսաստանի սկզբունքային դիրքորոշումը՝ հօգուտ ռազմական գործողությունների անհապաղ դադարեցման և տարածաշրջանում ուժի կիրառման մերժման։ Նա նաև ընդգծել է դիվանագիտական կարգավորման կարևորությունը և նշել, որ մշտական կապի մեջ է Պարսից ծոցի համագործակցության խորհրդի անդամ երկրների ղեկավարների հետ։