ԱՄՆ պատվիրակությունը՝ երկրի փոխնախագահ Մայք Փենսի գլխավորությամբ, Թուրքիա կժամանի հինգշաբթի: Այս մասին հայտնում է Associated Press-ը:
Պատվիրակության կազմում են նաև ԱՄՆ պետքարտուղար Մայք Պոմպեոն և Սպիտակ տան ազգային անվտանգության հարցերով խորհրդական Ռոբերտ Օ՛Բրայենը: Այցի նպատակն է Սիրիայի հյուսիսում կրակի դադարեցումը:
ԱՄՆ կառավարությունը մտադիր է Թուրքիայի վրա ճնշում գործադրել, որ համաձայնվի կրակի դադարեցմանը, նշում է գործակալությունը: