Բրիտանացի երգչուհի Ադելը երկրպագուներին հայտնել է, որ պատրաստվում է դադար վերցնել երաժշտությունից և կենտրոնանալ ուսման վրա`կրթություն ստանալով անգլիական գրականության ոլորտում գրել է բրիտանական Daily Mail պարբերականը։
«Լաս Վեգասից հետո ուզում եմ անգլերեն գրականության մասնագետ դառնալ: Իսկ եթե երգարվեստում հաջողությունների չհասնեի, հաստատ ուսուցիչ կդառնայի»,- ասել է արտիստը։
Երգչուհու խոսքով՝ չի պատրաստվում համալսարան ընդունվել, այլ նախատեսում է սովորել կրկնուսույցի մոտ՝ որակավորում ստանալու համար։
«Չեմ կարծում, որ հետագայում իմ մասնագիտությամբ աշխատանք կգտնեմ։ Սակայն հիմա ափսոսում եմ, որ ավելի շուտ համալսարան չեմ ընդունվել։ Ուզում եմ այս փորձն էլ սովորել», – նշել է նա: