ՀՀ կապի, տրանսպորտի և տեղեկատվական տեխնոլոգիաների նախարար Հակոբ Արշակյանն իր ֆեյսբության էջում գրառում է կատարել․
«Աննախադեպ առաջընթաց է տեղի ունեցել հայ-ռուսական բարձր տեխնոլոգիական համագործակցության շրջանակներում։
Հայ-ռուսական միջկառավարական 19-րդ նիստի շրջանակներում հայկական և ռուսական ընկերությունների համատեղ ծրագրերի իրականացման նպատակով ռուսական կողմի հետ պայմանավորվածություն ենք ձեռք բերել հետևյալ ուղղություններով՝
✔հաջորդ սերնդի կապի 5G համակարգեր,
✔արհեստական բանականություն,
✔միկրոէլեկտրենիկա (նախագծում և տեստավորում),
✔ռադիոէլեկտրոնիկա (նախագծում և տեստավորում),
✔արդյունաբերական իրերի ինտերնետ (IIoT),
✔թվայնացում, և այլ ուղղություններով :
Անդրադարձ է եղել Հայաստանի և Ռուսաստանի միջև գործող միակ ցամաքային ճանապարհի՝ Վերին Լարսի թեմային, որի անխափան թողունակությունը անչափ կարևոր է մեր երկրի համար։
✔Ռուսական կողմը տեղեկացրել է, որ Վերին Լարսի անցակետի թողունակությունը ավելացնելու նպատակով նախատեսում է իրականացնել 2019-2021 թվականների Վերին Լարսի վերակառուցման ծրագիր»:
ԽՈՐՀՈւՐԴ Է ՏՐՎՈւՄ ԿԱՐԴԱԼ
