fbpx
Աշխարհ

Apple-ը ներողություն է խնդրում FaceTime-ում հայտնաբերված գաղտնալսող սարքի համար. Bloomberg

Apple ընկերությունը ներողություն է խնդրում FaceTime ծրագրի վիդեոչաթ ծառայության գաղտնալսող սարքի համար, որը հնարավորություն է տալիս իր օգտատերերին գաղտնալսել մարդկանց խոսակցությունը նույնիսկ այն դեպքում, երբ դեռ չեն պատասխանել զանգին, կամ մերժել են այն:

iPhone պատրաստողը նշեց, որ այդ թերությունն արդեն շտկվել է և հաջորդ շաբաթ iOS-ի օգտատերերը կկարողանան գործարկել թարմեցված տարբերակը:

«Մենք իսկապես ցավում ենք մեր բոլոր այն օգտատերերի համար, ովքեր տուժել են այս թերության պատճառով»։ Այս առիթով հայտարարել է Apple ընկերությունը, ինչպես տեղեկացնում են մի շարք լրատվամիջոցներ: «ԵՎ շնորհակալ ենք բոլորից համբերատար սպասելու համար, մինչև մենք կավարտենք այս գործընթացը»:

Կալիֆորնիայի Կուպերտինո քաղաքում գտնվող Apple ընկերությունը շտկել է խնդիրը, սակայն որպեսզի այն նորից անսխալ աշխատի, անհրաժեշտ է թարմացնել ծրագիրը նոր անսխալ ծրագրով, իսկ նոր տարբերակը, ինչպես հայտարարել էր Apple-ը այդ ժամանակ, պիտի հասանելի լիներ այս շաբաթ:

Այս խնդիրը Apple-ի հեղինակությունը վնասող հազվադեպ թերություններից էր, որը մեծ վտանգ էր ներկայացնում օգտատերերի գաղտնիության և անվտանգության համար: Նշենք որ, այս շաբաթ Apple ընկերությունը ժամանակավորապես հեռացրել էր Google-ից և Facebook-ից մի շարք կարևոր գործիքներ, այն բանից հետո, երբ որոշել էր, որ այս երկու ընկերությունները որոշ խախտումներ են թույլ տվել իրենց օգտատերերի համացանցային անցուդարձի մոնիթորինգի մեջ:

Քանի որ ներկայումս տեխնոլոգիական կազմակերպությունները ավելի ուշադիր են զննում օգտատերերի գաղտնիությանը սպառնող երևույթները, Նյու-Յորքի պաշտոնյանները, նկատելով Apple-ի այս թերությունը, զգուշացրել են, որ դեռ կփորձեն հետաքննության միջոցով պարզել, թե ինչու ընկերությունը չի կարողացել արագ տեղեկացնել իր օգտատերերին գաղտնալսող սարքի մասին և թե ինչու է դանդաղ արձագանքել այս փաստին:

Ֆրայդիին տված հարցազրույցի ընթացքում Apple-ը նշել է, որ այն բանից հետո, երբ իրենց ինժեներական թիմը գտել է բոլոր անհրաժեշտ մանրամասները սխալը ուղղելու համար, FaceTime ծրագիրը միանգամից դադարեցվել է, և սկսել են աշխատանքները այն ուղղելու համար:

FaceTime ծրագրի Group չաթը iOS 12-ի գլխավոր առանձնահատկություններից է, որն ավելացվել է նախորդ աշնանը և հասանելի է վերջին մոդելի iPhone-ների iPad-ների համար:

Աղբյուր՝ Bloomberg

Թարգամությունը՝ Azat.tv

ԱՄԵՆԱԴԻՏՎԱԾՆԵՐԸ

ՎԵՐ