ՌԴ ՊՆ-ն հայտնում է, որ ռուս խաղաղապահ զորքերը շարունակում են Լեռնային Ղարաբաղում իրենց առջև դրված խնդիրների իրականացումը:
Շփման գոտու ամբողջ երկայնքով հրադադարի ռեժիմի պահպանումը հսկվում է 23 դիտակետերից:
Ըստ ՌԴ ՊՆ հաղորդագրության՝ դեկտեմբերի 11-ին Հադրութի շրջանում արձանագրվել է հրադադարի ռեժիմի խախտման մեկ դեպք:
Վերջին մեկ օրում, ըստ ՌԴ ՊՆ տեղեկատվության, Հայաստանից Արցախ է վերադարձել 481 մարդ: Ընդհանուր առմամբ նոյեմբերի 14-ից Արցախ է վերադարձել 37707 մարդ: