fbpx
Սպորտ

Արդյո՞ք Ստամբուլը կզրկվի ՉԼ եզրափակիչն անցկացնելու իրավունքից

ՈւԵՖԱ-ի փոխնախագահ Միկելե Ուվան կարծիք է հայտնել Ստամբուլը 2019/20 մրցաշրջանի ՉԼ խաղարկության եզրափակիչն անցկացնելու իրավունքից զրկելու հավանականության վերաբերյալ: Այս մասին հաղորդում է ANSA-ն։

Նմանատիպ կոչերը պայմանավորված են Թուրքիայի կողմից Սիրիայի հյուսիսարևելյան հատվածում ռազմական գործողությամբ։

«Եզրափակիչն անցկացնելու իրավունքից զրկելը լուրջ քայլ է:

Կարծում եմ՝ այս պահին չկա որևէ պայման, որ դա քննարկենք:

Բնականաբար, ՈւԵՖԱ-ի գործադիր կոմիտեն ու նախագահ Ալեքսանդր Չեֆերինը կգնահատեն իրավիճակը, բայց ինձ թվում է, որ հիմա չափազանց վաղ է այդ մակարդակի պատժամիջոցներ քննարկելու համար:

Իհարկե, ֆուբոլը չի կարող այնպիսի դիրք ընդունել, կարծես թե ոչինչ չի կատարվում: Սպորտը, հատկապես ֆուտբոլը, կարևոր դեր է խաղում համաշխարհային մեդիայում, չի կարելի քաղաքական ազդեցություն թույլ տալ (խոսքն Ալբանիայի հետ խաղում Թուրքիայի հավաքականի ֆուտբոլիստների պահվածքի մասին է): Նման ժեստեր թույլ տալ չի կարելի»,-ասել է Ուվան։

ԱՄԵՆԱԴԻՏՎԱԾՆԵՐԸ

ՎԵՐ