Արմեն Սարգսյանը՝ տիկնոջ հետ, շրջել է Ազգային պատկերասրահում և ծանոթացել հռոմեական ցուցանմուշներին (ՏԵՍԱՆՅՈւԹ)

Հայաստանի Հանրապետության նախագահ Արմեն Սարգսյանը՝ տիկնոջ Նունե Սարգսյանի հետ դեկտեմբերի 5-ին այցելել է Հայաստանի ազգային պատկերասրահ, դիտել «Մեկ օր Պոմպեյում» ցուցադրությունը։

Այս մասին տեղեկանում ենք ՀՀ նախագահի պաշտոնական կայքից։

• Հայաստանում նոր մասնավոր թատրոն է հիմնադրվել` Թատրոն Կայարան անվամբ
• ԿԳՄՍ նախարարն այցելել է կինեմատոգրաֆիայի լեգենդ Արտավազդ Փելեշյանին

«Այն կազմակերպվել է Հայաստանի ազգային պատկերասրահի, Հայաստանում Իտալիայի դեսպանության և Պոմպեյի հնագիտական արգելոցի համագործակցությամբ և կգործի մինչև 2022 թ. հունվարի 16-ը։

Նախագահ Արմեն Սարգսյանը և տիկին Նունե Սարգսյանը, Հայաստանում Իտալիայի դեսպան Ալֆոնսո Դի Ռիզոյի ուղեկցությամբ, շրջել են ցուցասրահներում և ծանոթացել հռոմեական հնագույն քաղաքի հնագիտական ցուցանմուշներին: Դրանց թվում են մեր թվարկության առաջին դարում Վեզուվի ժայթքման հետևանքով կործանված հռոմեական քաղաքի՝ Պոմպեյի առօրյան, նիստուկացը, բարքերն ու սովորույթներն արտացոլող կենցաղային իրեր, մարմարե ու բրոնզե արձանիկներ, ոսկե, արծաթե զարդերը, որմնանկարների բեկորները և եզակի այլ նմուշներ:

Մշակութային շրջայցից հետո նախագահ Սարգսյանը Իտալիայի դեսպանի հետ քննարկում է ունեցել Հանրապետության նախագահի աշխատակազմի հետ համատեղ մշակութային ծրագրերը շարունակելու շուրջ», – ասված է նախագահականի տարածած պաշտոնական հաղորդագրության մեջ։