Արցախում կապի խափանումներ են․ թշնամին խլացնում է հաճախականությունները

Ադրբեջանական կողմի կատարած գործողությունների արդյունքում Արցախում բջջային կապի խափանումներ են գրանցվում։

Այս մասին տեղեկանում ենք Արցախի Հանրապետության տարածքային կառավարման և ենթակառուցվածքների նախարարության Facebook-ի էջից։

Նշվում է, որ թշնամին խլացնում է հաճախականությունները։

Ըստ աղբյուրի՝ քայլեր են ձեռնարկվում, որպեսզի հարցը լուծվի բանակցային ճանապարհով։

Նախարարությունից հորդորում են անհարկի շահարկումներից զերծ մնալ։