Գորիսի համայնքապետ Առուշ Առուշանյանին պաշտպան Արմեն Մելքոնյանը հայտնել է, որ Առուշանյանին Քրեակատարողական հիմնարկից տեղափոխել են Ազգային անվտանգության ծառայության մեկուսարան:
«Հուլիսի 19-ի գիշերը նրան տեղափոխել են ԱԱԾ մեկուսարան: Նրա մոտ տեսակցությունները արգելված են, բացի պաշտպաններից որևէ մեկի հետ հանդիպել չի թույլատրվում»,- տեղեկացրեց նա:
Պաշտպանի խոսքով՝ փաստաբանների կողմից Առուշանյանին կալանավորելու որոշումը բողոքարկելու դիմում է ներկայացվել Վերաքննիչ դատարան:
Առուշ Առուշանյանին մեղադրանք է առաջադրվել ՀՀ քրեական օրենսգրքի 35-154.2-րդ հոդվածի 4-րդ մասի 2-րդ կետով, 38-149-րդ հոդվածի 2-րդ մասի 4-րդ կետով և 38-154.2-րդ հոդվածի 3-րդ մասով (քվեարկության գաղտնիությունը խախտելը, ընտրական իրավունքի իրականացմանը խոչընդոտելը)։
ԽՈՐՀՈւՐԴ Է ՏՐՎՈւՄ ԿԱՐԴԱԼ
