Իտալիայի Ֆուտբոլի ֆեդերացիայի նախագահ Գաբրիել Գրավինան խոսել է Ա Սերիայի նոր ձևաչափի մասին։
«Ես աշխատում եմ Ա սերիայի նոր ձևաչափի վրա: Առաջնությունն անցկացվելու է երեք փուլով՝ «Ութի եզրափակիչ» ձևաչափով:
Մենք չենք կարող ավելի արմատական փոփոխություններ կատարել: Կա մտավախություն, որ փլեյ-օֆֆը կպատժի նրանց, ովքեր սովորաբար հաղթում են: Բայց եթե մեզ հաջողվի նոր առաջնություն կազմակերպել, ապա դա ավելի մեծ ուշադրություն կգրավի:
Հիմա մենք կարող ենք հանդիսատես կորցնել, քանի որ առաջնության որոշ փուլերում որոշ թիմեր մնում են առանց մրցաշարային առաջադրանքների», – Գրավինայի խոսքերը մեջբերում է Football Italia-ն: