ՀՀ առողջապահության նախարարությունից հայտնում են, որ հունիսի 28-ին նախարարի պաշտոնակատար Անահիտ Ավանեսյանը ստացել է կորոնավիրուսային հիվանդության դեմ պատվաստման 2-րդ դեղաչափը:
- Տիգրան Ավինյանը կորոնավիրուսի դեմ երկրորդ պատվաստումն է ստացել
- Հայաստանում կորոնավիրուսի դեմ պատվաստվել է 74 հազար քաղաքացի
Նախարարությունը հիշեցնում է`
պատվաստումից առաջ որևէ հետազոտության անհրաժեշտություն չկա,
եթե հարցման, անամնեզի և ստուգաթերթի լրացման արդյունքում չկա հակացուցում, ապա կատարվում է պատվաստումը,
ցանկացած ախտանշանի կամ գանգատի դեպքում քաղաքացին ուղարկվում է հետազոտության,
հղիության թեստի անհրաժեշտություն նույնպես չկա,
1-ին դեղաչափից հետո՝ մինչ իմունիտետի ձևավորումը, ժամանակ է անհրաժեշտ, այդ պատճառով հնարավոր է վարակվել,
2-րդ դեղաչափն ապահովում է առավելագույն պաշտպանություն:
COVID-19-ի դեմ պատվաստանյութերից որևէ մեկը չի պարունակում կենդանի վիրուս, ինչը նշանակում է, որ դրանք չեն կարող առաջացնել կորոնավիրուսային հիվանդություն։
