Նախկին փոխվարչապետ, ՀԱՊՀ հոգաբարձուների խորհրդի նախագահ Տիգրան Ավինյանը Facebook-ի իր էջում գրառում է կատարել, որով տեղեկացնում է, որ օրեր առաջ Պոլիտեխնիկի ռեկտոր Գոռ Վարդանյանի և ուսանողների հետ հյուրընկալել են մաեստրո Տիգրան Մանսուրյանին:
«Օրեր առաջ Պոլիտեխնիկի ռեկտոր Գոռ Վարդանյանի և ուսանողների հետ հյուրընկալեցինք մաեստրո Տիգրան Մանսուրյանին։ Անկեղծ զրույց ստացվեց պոլիտեխնիկցիների հետ, որի ընթացքում խոսեցինք կյանքից, հայրենիքից, մասնագիտացումից և շատ ու շատ այլ թեմաներից»,- գրել է Ավինյանը։
