Մայիսի 7-ին, ժամը 1-ի սահմաններում, ոստիկանության Մուշի բաժնի ծառայողները գիշերային շրջայցի ժամանակ նկատել էին, որ երկու երիտասարդ լինգով փորձում են բացել Բուլվարային թաղամասի ավտոտնակներից մեկի դուռը: Երկուսին էլ բռնել էին և, գողություն կատարելու կասկածանքով, բերման ենթարկել ոստիկանության Մուշի բաժին: Այս մասին հայտնում են ՀՀ ոստիկանությունից: Երիտասարդները Գյումրիի 8-րդ զինվորական թաղամասի բնակիչ էին, մեկը`18, մյուսը՝ 20 տարեկան:
Անձնական խուզարկությամբ 20-ամյա երիտասարդի ուսապարկից հայտնաբերվեցին ձեռնոց, դանակ, գործիքներ, հարմարեցված բանալի, բջջային հեռախոս ու բանկային քարտ:
Նախապատրաստված նյութերն ուղարկվել են տարածքային քննչական բաժին: