ՀՀ ԱԺ-ն հայտնել է, որ Կիպրոս կատարած պաշտոնական այցի շրջանակում ՀՀ Ազգային ժողովի նախագահ Ալեն Սիմոնյանի գլխավորած պատվիրակությունը հոկտեմբերի 25-ին հանդիպել է Կիպրոսի Հանրապետության պաշտպանության նախարար Կարալամբոս Պետրիդեսին:
«Հանդիպմանը կողմերը փաստել են երկու երկրների միջև փոխըմբռնման ու փոխաջակցության առկայությունը, հատկապես բարձր է գնահատվել միջազգային կառույցներում արդյունավետ համագործակցությունը ցեղասպանության կանխարգելման օրակարգի առաջմղման շուրջ: Անդրադարձ է եղել Հայաստանի և Կիպրոսի պաշտպանական գերատեսչությունների միջև ռազմաքաղաքական երկխոսությանը, որն իրականացվում է երկկողմ և բազմակողմ ձևաչափով հանդիպումների ընթացքում։
- Ալեն Սիմոնյանը հանդիպել է Կիպրոսի Ներկայացուցիչների պալատի նախագահին
- Ալեն Սիմոնյանի ելույթը՝ ԵԽԽՎ խորհրդարանների նախագահների համաժողովում (ՏԵՍԱՆՅՈՒԹ)
Նշվում է, որ խոսելով Արցախի դեմ ադրբեջանա-թուրքական ռազմական ագրեսիայից՝ Ալեն Սիմոնյանը երախտագիտություն է հայտնել Կիպրոսի սկզբունքային դիրքորոշման և Արցախի ժողովրդին աջակցության համար՝ կարևորելով արցախահայությանը 2020թ-ին տրամադրված մարդասիրական և ֆինանսական օժանդակությունը: Հիշատակվել է նաև 2020թ. հոկտեմբերի 9-ին Կիպրոսի Ներկայացուցիչների պալատի կողմից Արցախի դեմ ադրբեջանական ագրեսիան դատապարտող բանաձևի միաձայն ընդունումը:
Կողմերը կարևորել են ՀՀ-ԵՄ Համապարփակ և ընդլայնված գործընկերության համաձայնագրի ձևաչափում հնարավորությունների արդյունավետ կիրարկումը»,- ասվում է ահղորդագրության մեջ:
