Հայ-ադրբեջանական սահմանին լարվածությունն ընկել է աննախադեպ ցածր մակարդակի վրա, նախընտրական քարոզարշավի ժամանակ հայտարարեց ՀՀ վարչապետի պաշտոնակատար, «Իմ քայլը» դաշինքի նախընտրական ցուցակը գլխավորող Նիկոլ Փաշինյանը:
«Այս տարի մենք բանակում հակառակորդի կրակոցներից զոհվածների աննախադեպ ցածր թիվ ունենք, աննախադեպ վերջին տարիների համար, իհարկե», – նշեց Փաշինյանը:
Նիկոլ Փաշինյանը նշեց, որ մեկ առ մեկ կարող է թվարկել այս ամիսների ընթացքում կառավարության գործունեության արդյունքում արձանագրված ձեռքբերումները՝ ընդգծելով, որ ցանկացած պահի, երբ ժողովուրդը չի ցանկանա իրենց տեսնել իշխանության գլխին, իրենք պատրաստ են ներողություն խնդրել չարած քայլերի համար ու հեռանալ՝ տեղը զիջելով այն քաղաքական ուժին, որի վստահությունը կստանա ժողովուրդը: