Այսօր նշվել է ՀՀ ԶՈՒ հետախույզի մասնագիտական տոնը

Այսօր Հայոց բանակում նշվել է հետախույզների մասնագիտական տոնը հանդիսավոր միջոցառմամբ։ ՀՀ պաշտպանության նախարարի առաջին տեղակալ, ԶՈՒ ԳՇ պետ, գեներալ-լեյտենանտ Էդվարդ Ասրյանը ողջունել և շնորհավորել է հետախույզներին տոնի առթիվ՝ հաջողություն մաղթելով հետագա ծառայության ընթացքում։ Միջոցառման ավարտին մի շարք զինծառայողներ պարգևատրվել են գերատեսչական մեդալներով, արժեքավոր նվերներով և պատվոգրերով։