Հայաստանի ազգային հավաքականը ևս մեկ կորուստ ունի՝ առաջիկա խաղերի համար։
Սարգիս Ադամյանը «Բրյուգեի» կազմում վերջին խաղում ստացած վնասվածքի պատճառով չի միանա հավաքականին։
Այս մասին տեղեկանում ենք Հայաստանի ֆուտբոլի ֆեդերացիայի Facebook-յան գրառումից։
Նշվում է, որ Ադամյանի փոխարեն հավաքական է հրավիրվել «Ուրարտուի» ֆուտբոլիստ Արթուր Միրանյանը։
Հիշեցնենք, որ մարտի 24-ին մեր ընտրանին Երևանում ընկերական հանդիպում կանցկացնի Չեռնոգորիայի հետ, իսկ մարտի 29-ին Օսլոյում՝ Նորվեգիայի հետ։
Հիշեցնենք նաև, որ Հայաստանի հավաքականն արդեն սկսել է մարզական հավաքը։
