ՀՀ քննչական կոմիտեի Երևան քաղաքի քննչական վարչության Մալաթիա-Սեբաստիա վարչական շրջանների քննչական բաժնում քննվող քրեական գործով պարզվել են առանձնապես խոշոր չափերով գողության դեպքի մի շարք հանգամանքներ: Մեղադրանք է առաջադրվել երկու անձի:
2019 թվականի մայիսի 5-ին` ժամը 00:30-ին, ոստիկանությունում ահազանգ է ստացվել այն մասին, որ մայիսի 4-ին` ժամը 18:50-ից մինչև 19:40-ն ընկած ժամանակահատվածում, բժշկական կենտրոնի դիմաց կայանված, Երևան քաղաքի՝ 1971թ. ծնված բնակչին պատկանող ավտոմեքենայի սրահից անհայտ անձի կողմից գաղտնի հափշտակվել է երեք հատ պոլիէթիլենային տոպրակ, որոնց մեջ եղել են տարբեր տեսակի ոսկյա զարդեր, ադամանդե քարեր և երկու հատ նոթատետր` պատճառելով առանձնապես խոշոր չափերով, նախնական գնահատմամբ, մոտ 98.000.000 ՀՀ դրամի գույքային վնաս:
Դեպքի առթիվ 2019 թվականի մայիսի 6-ին ՀՀ ոստիկանության ԵՔՎ Մալաթիայի բաժնում հարուցվել է քրեական գործ՝ ՀՀ քրեական օրենսգրքի 177-րդ հոդվածի 3-րդ մասի 1-ին կետով, որը նախաքննություն կատարելու համար ուղարկվել է ՀՀ ՔԿ ԵՔՔՎ Մալաթիա-Սեբաստիա վարչական շրջանի քննչական բաժին և ընդունվել վարույթ: 1971թ. ծնված տղամարդը ճանաչվել է տուժող:
Ավելի մանրամասն՝ այստեղ։
![](https://azat.tv/wp-content/uploads/2022/09/azattvlogoblack.png)