Ռուսաստանի նախագահ Վլադիմիր Պուտինը հեռախոսային բանակցություններ է վարել Ֆրանսիայի առաջնորդ Էմանուել Մակրոնի հետ: Այս մասին հաղորդվում է Կրեմլի կայքում:
Բանակցությունների ընթացքում քաղաքական գործիչները քննարկել են վարչապետ Նիկոլ Փաշինյանի և Ադրբեջանի նախագահ Իլհամ Ալիևի առաջիկա հանդիպումը Մոսկվայում, որի ընթացքում նախատեսվում է քննարկել չճանաչված Լեռնային Ղարաբաղում իրավիճակի կարգավորման հարցը:
Ռուսաստանի և Ֆրանսիայի նախագահների բանակցությունները տեղի են ունեցել ԵԱՀԿ Մինսկի խմբի համանախագահների գործողությունների համակարգման շրջանակներում։
