Բարսան կարող է հաղթել ցանկացածին, Բավարիայի հետ բավական արդյունավետություն չկար. Չավի

Չավին կիսվել է Չեմպիոնների լիգայի «Բավարիայի» դեմ խաղի (0:2) արդյունքների վերաբերյալ իր եզրակացություններով.

«Եթե դուք տեսել եք հանդիպումը, ապա հավանաբար հասկանում եք, որ մենք կարող էինք հաղթել:

Մեզ պակասում էր արդյունավետությունը։ Մեր կողմից կարևոր է կենտրոնացվածություն ցուցաբերել բոլոր 90 րոպեների ընթացքում և դասեր քաղել սխալներից։ Հաղթանակներն ու պարտությունները տևում են 24 ժամ:

Ես խոսեցի թիմի հետ, ցուցադրեցի նրանց սխալների տեսանյութը։ Նրանք դժգոհ են բաց թողած պահերից։ Մենք լավ խաղացինք, բայց գոլ չխփեցինք։ Չեմպիոնների լիգայի հանդիպումներում չի կարելի այդքան շանսեր բաց թողնել։

Կարծում եմ՝ մենք կարող ենք հաղթել ցանկացած թիմի, բայց մենք պետք է դա ապացուցենք։ Պետք է խաղացողներին համոզենք, որ ճիշտ ուղու վրա ենք։ Հիմա որեւէ մեկին մեղադրելու կարիք չկա։

Մենք լավ խաղ ցուցադրեցինք, բայց պետք է ավելի արդյունավետ գործենք։ Եթե ​​Չեմպիոնների լիգայում չջախջախես մրցակցիդ, ապա քեզ կջախջախեն»,- ասել է «Բարսելոնայի» գլխավոր մարզիչը։