Ֆրանսիացի հանրահայտ դերասանուհի Բրիջիթ Բարդոն բաց նամակ է ուղղել Ֆրանսիական Պոլինեզիայի իշխանություններին, որում դատապարտել է այդ շրջանում շան միս օգտագործելու պրակտիկան: Այս մասին գրում է France Info-ն:
Դերասանուհու կարծիքով նման գործողությունները անթույլատրելի են: Ամոթալի է իշխանությունների քթի տակ շան մսի վաճառքի գարշելի անօրինական պրակտիկան մի երկրում, որը համարվում է համաշխարհային զբոսաշրջային դրախտ:
«Եթե նրանք (իշխանությունները) չեն ցանկանում հանցակիցներ լինել, նրանք չեն կարող անտեսել դա»,- նշել է Բարդոն:
Պոլինեզիայի ղեկավարությունը, սակայն, չի արձագանքել դերասանուհու քննադատությանը։
