Բոլիվիայի նախկին նախագահ Էվո Մորալեսը դիմել է կաթոլիկ եկեղեցուն, ՄԱԿ-ին և Եվրոպայի երկրներին, որ նրանք միջնորդություն ցույց տան երկրում քաղաքական ճգնաժամը լուծելու համար իր ընդդիմախոսների հետ երկխոսությու սկսելու։
«Ես խնդրում եմ միջազգային կազմակերպություններին, ինչպիսին է ՄԱԿ-ը, Եվրոպայի բարեկամական երկրներին և կաթոլիկ եկեղեցուն, որը ներկայացանում է եղբայր Ֆրանցիսկոս պապը, միանալ մեր երկոսությանը՝ հանդարտեցնելու համար սիրելի Բոլիվիան:
Բռնությունն սպառնում է կյանքին և սոցիալական հաշտությանը»,-գրել է նա իր Twitter-ում:
Ավելի վաղ Մորալեսը կոչ է արել երկխոսության, որին կարող են մասնակցել բոլորը՝ հասարական շարժումները, քաղաքացիական կազմակերպությունները և քաղաքական կուսակցությունները:
Հիշեցնենք, որ Մորալեսը իր հրաժարականի մասին հայտնել է նոյեմբերի 10-ին իր վերընտրման հետ կապված երկրում հրահրված զանգվածային բողոքի ցույցերի պատճառով։
Այժմ նախագահի պաշտոնակատարը սենատոր Ժանին Անիեսն է։