Սաուլ «Կանելո» Ալվարեսը հրապարակավ կասկածի տակ է դրել Թերենս Քրոուֆորդի հաղթանակի լիարժեքությունը՝ նշելով, որ վերջինիս ժառանգությունը լիարժեք ճանաչման համար պահանջում է ռևանշ մենամարտ։ Ring Magazine-ին տված հարցազրույցում Ալվարեսը հայտարարել է, որ Քրոուֆորդը պետք է կրկին հանդիպի իրեն՝ վաստակած հարգանքը ստանալու համար։
Հիշեցնենք, որ անցյալ սեպտեմբերին Լաս Վեգասի «Allegiant» մարզադաշտում Քրոուֆորդը, բարձրանալով երկու քաշային կարգ, միաձայն որոշմամբ հաղթեց Ալվարեսին՝ տիրանալով երկրորդ միջին քաշային կարգում չեմպիոնական տիտղոսներին։ Մենամարտից անմիջապես հետո Քրոուֆորդը հայտարարեց կարիերան ավարտելու և տիտղոսները թափուր թողնելու մասին։
«Ես միշտ էլ հարգում եմ Քրոուֆորդին, բայց մենք պետք է ռևանշ անցկացնենք», – նշել է Ալվարեսը։ – «Մենամարտից հետո ես ասացի, որ անհրաժեշտ է կրկնել այն, քանի որ չեմ զգում, որ իսկապես պարտվել եմ։ Եթե ռևանշը կայանա, արդյունքը այլ կլինի։ Նա պետք է ռևանշի գնա, որպեսզի արժանի լինի լիարժեք հարգանքի։ Սակայն նա որոշեց հեռանալ, և մենք պետք է ընդունենք այդ փաստն ու առաջ շարժվենք»։
Չնայած Ալվարեսի հայտարարություններին, Քրոուֆորդը հաստատակամ է մնում սպորտից հեռանալու իր որոշման մեջ։ Այժմ Ալվարեսը կենտրոնացած է հոկտեմբերին կայանալիք WBC վարկածով չեմպիոն Քրիստիան Մբիլիի դեմ մենամարտի վրա։