ՍԴ նախագահ Հրայր Թովմասյանը հայտնի հանրապետական է, որը աչքի է ընկել իրարամերժ հայտարարություններով, մինչև կուսակցական դառնալը, այնուհետև նաև կուսակցական դառնալուց հետո, Մարտի 1-ի հարցով էլ բազմիցս հանդես եկել քննադատական հայտարարություններով: Այս մասին այսօր Հանրային հեռուստաընկերության եթերում ասաց ՀՀ վարչապետի մամուլի քարտուղար Վլադիմիր Կարապետյանը:
Նրա խոսքով՝ Հրայր Թովմասյանի, նրա խորհրդականի, աշխատակազմի ղեկավարի արած հայտարարությունները վաղուց դուրս են եկել իրավական հարթությունից և քաղաքական հայտարարություններ են դարձել։
«Ժամանակը եկել է, որ Սահմանադրական դատարանը նույնպես իր տեղը գտնի նոր Հայաստանում»,-նշեց Կարապետյանը:
Վարչապետի խոսնակի կարծիքով ՍԴ-ն ևս չի կարողանա անտեսել այն փաստարկները, որ բերվել են ԱԺ-ում:
Եթերի ընթացքում նա նաև ասաց, որ ինքը չի կարծում, որ Սահմանադրական դատարանը բացասական որոշում կկայացնի «Իմ քայլի»՝ Հրայր Թովմասյանի լիազորությունների դադարեցման նախաձեռնության վերաբերյալ։
«Այս ճգնաժամը չի կարող անվերջ շարունակվել և վստահ եմ, որ ելքեր կգտնվեն, որպեսզի Հայաստանը ի վերջո կանգնի լիարժեք զարգացման ուղու վրա»,-ասաց նա:
Առավել մանրամասն՝ տեսանյութում:
ԽՈՐՀՈւՐԴ Է ՏՐՎՈւՄ ԿԱՐԴԱԼ
