Երեկ՝ փետրվարի 10-ին Մարդու իրավունքների պաշտպանը չհայտարարված այց է կատարել Արցախի Հանրապետության ներքին գործերի նախարարության ոստիկանության Մարտակերտի շրջանային բաժին և բաժնի պետի հետ քննարկել մի շարք հարցեր՝ այդ թվում անդրադառնալով խոշտանգումների, անմարդկային կամ արժանապատվությունը նվաստացնող վերաբերմունքի բացառման կարևորությանը:
Այս մասին ասված է Արցախի ՄԻՊ-ի Facebook-ի պաշտոնական էջում։
- Արցախում մեքենան բախվել է խաղաղապահների զրահատեխնիկային․ կան տուժածներ
- Ադրբեջանական մարտական դիրքից կրակել են Ասկերանում բանվորների վրա․ ԱՀ դատախազություն
«Այցի շրջանակում Պաշտպանը զննել է ոստիկանության Մարտակերտի շրջանային բաժնի ՁՊՎ-ն, որտեղ այցի պահին ձերբակալված անձինք չեն եղել։ Պաշտպանը ծանոթացել է ձերբակալված անձանց պահման պայմաններին և արձանագրել ՁՊՎ-ի պայմանների բարելավման և կահավորման խիստ անհրաժեշտությունը:
Նշված և այլ խնդիրներին լուծում տալու նպատակով Պաշտպանն իրավասու մարմիններին ներկայացնելու է առաջարկություններ», – ասված է հաղորդագրության մեջ:
