«Ճիշտ կանեն՝ օրենք չխախտեն, հակառակ դեպքում «կփռվեն ասֆալտին», – Վալերի Օսիպյան

Կան մարդիկ, ովքեր ճիշտ են հասկացել, որ իրավիճակ է փոխվել ու ճիշտ կանեն՝ օրենք չխախտեն, հակառակ դեպքում «կփռվեն ասֆալտին»։ Այս մասին դեկտեմբերի 20-ին կառավարության նիստից հետո լրագրողների հետ զրույցում ասաց Ոստիկանության պետ Վալերի Օսիպյանը՝ պատասխանելով այն հարցին, թե արդյոք ոստիկանությունը հրաժարվե՞լ է «ասֆալտին փռելու» միջոցառումներից։

Լրագրողի դիտարկմանը, թե ինքը նկատել է, որ Գագիկ Ծառուկյանն ու Խաչատուր Սուքիասյանը շարունակում են երթևեկել իրենց ավտոշարասյուններով, Վալերի Օսիպյանը պատասխանեց. «Ես ձեզ հեռախոսահամար կփոխանցեմ, հենց տեսնեք նման բան, զանգեք»։