Գերմանիայի իշխանությունները պաշտոնապես արգելել են Ուվե Բոլի «Քաղաքացիական ինքնադատաստան» (Citizen Vigilante) ֆիլմի ցուցադրությունը՝ պատճառաբանելով, որ այն կարող է հրահրել բռնություն միգրանտների նկատմամբ։ Ֆիլմը, որում գլխավոր դերակատարը Արմի Համերն է, ներկայացնում է մի տղամարդու, որը ինքնադատաստանի է ենթարկում միգրանտներին՝ հանցագործությունների շարքից հետո։
Արգելքը հաջորդել է ֆիլմի բովանդակության շուրջ ծավալված միջազգային սուր քննադատությանը։ The Telegraph-ին տված հարցազրույցում ռեժիսոր Ուվե Բոլը պաշտպանել է իր աշխատանքը՝ միաժամանակ քննադատելով հոլիվուդյան կինոարտադրությանը։ Նա պնդում է, որ Netflix, Apple և Amazon ընկերությունների ղեկավարները, չնայած Դոնալդ Թրամփի հետ հրապարակային «ջերմ» հարաբերություններին, մասնավոր զրույցներում խիստ ընդդիմադիր դիրքորոշում ունեն։
Բոլի խոսքով՝ հոլիվուդյան մեծ ստուդիաները չափազանց «քաղաքականապես կոռեկտ» են և խուսափում են հաստատել այնպիսի նախագծեր, որոնք քննադատական կամ հակասական թեմաներ են շոշափում։ Ռեժիսորը պնդում է, որ իր ֆիլմը հասարակական կարևոր խնդիրներ է բարձրացնում, չնայած եվրոպական շուկայում հանդիպած իրավական խոչընդոտներին։ Ֆիլմը ԱՄՆ-ում էկրան է բարձրացել 2026 թվականի հունիսի 19-ին։