Ամերիկացի թենիսիստուհի, աշխարհի յոթերորդ ռակետ Կոկո Գաուֆը անսպասելիորեն դուրս է մնացել Բեռլինի խոտածածկ թենիսի մրցաշարից։ AFP գործակալության հաղորդմամբ՝ չորեքշաբթի օրը կայացած հանդիպման ժամանակ Գաուֆը 1-6, 6-3, 6-2 հաշվով զիջել է իսպանուհի Պաուլա Բադոսային։
Հանդիպումը տևել է մեկ ժամ 36 րոպե։ Գաուֆը հաջող է սկսել մրցախաղը՝ վստահորեն հաղթելով առաջին սեթում, սակայն հետագա սեթերում իսպանուհին կարողացել է բեկում մտցնել՝ երկուական բրեյք իրականացնելով երկրորդ և երրորդ սեթերում։ Բադոսան, որը մրցաշարին մասնակցում է վայրի քարտով (wildcard) և զբաղեցնում է 142-րդ հորիզոնականը համաշխարհային վարկանիշում, այս հաղթանակով ընդհատել է իր հինգ պարտությունների շարքը։
Այս արդյունքը մտահոգիչ է Գաուֆի համար, քանի որ մրցաշարը նախապատրաստական փուլ էր Ուիմբլդոնի մրցաշարի համար, որը մեկնարկելու է երկու շաբաթից։ Բադոսան հաջորդ փուլում կհանդիպի իր զուգընկերուհի Ջեսիկա Պեգուլային, որը վստահ հաղթանակ է տարել Կատերինա Սինյակովայի նկատմամբ։