«Միլանի» Պատրիկ Կուտրոնեն կարող է հեռանալ «Միլանից» ամառային տրանսֆերային պատուհանի ընթացքում, հայտնում է Calciomercato-ն:
21-ամյա ֆուտբոլիստը գոհ չէ թիմում իր կարգավիճակից և դիտարկում է մեկ այլ ակումբ տեղափոխվելու հնարավորությունը:
Կուտրոնեի ծառայություններով հետաքրքրված են Մադրիդի «Աթլետիկոն»,«Տոտենհեմը», Դորտմունդի «Բորուսիան» և «Տորինոն»:
Հնարավոր տրանսֆերը 30 մլն եվրո է գնահատվում:
Կուտրոնեի պայմանագիրը «Միլանի» հետ նախատեսված է մինչև 2023 թվականը: Ընթացիկ մրցաշրջանում հարձակվողն Ա Սերիայում դարձել է 3 գոլի և 2 գոլային փոխանցման հեղինակ:
Ֆուտբոլիստը հիմնականում փոխարինման է մտնում: